नवी पेन्शन योजना

नवी निवृत्तिवेतन योजना एक मे 2009 रोजी सरकारने सुरू केली. या योजनेमार्फत कोणतीही व्यक्ती आपला "निवृत्तिवेतन निधी' (पेन्शन फंड) तयार करू शकते.
पुण्यामध्ये या योजनेचे 16 ठिकाणी खाते उघडता येते. त्याबाबत PFRDA च्या वेबसाइटवरून माहिती घेता येईल. या योजनेची ठळक वैशिष्ट्ये पुढीलप्रमाणे आहेत.

1) फंड मॅनेजमेंट चार्जेस फक्त 0.0009 टक्के इतकेच म्हणजे जवळपास शून्य टक्के आहेत. त्यामुळेच ही योजना जरी करपात्र असली, तरी फायदेशीर ठरते.

2) खाते उघडताना PRN (Personal Registration Number) ने सुरवात होते. PRN साठी फॉर्म भरताना प्रथम आपली स्वतःची मूळ कागदपत्रे म्हणजे वीजबिल, पासपोर्ट आदींची शहानिशा केली जाते. फोटो, सह्या, रद्द केलेला एक चेक व सोबत दोन हजार रुपयांपर्यंतचा चेक भरून PRN साठी अर्ज करावा लागतो. साधारणतः दहा दिवसांत आपल्या घरी PRN नंबर येतो. मग रोख किंवा चेकने वर्षाला कमीत कमी सहा हजार रुपये किंवा महिन्याला पाचशे रुपये भरून सुरवात करता येते. जास्तीत जास्त कितीही रक्कम भरता येते.
योजनेमध्ये सध्या एसबीआय, युटीआय, आयसीआयसीआय, एचडीएफसी, रिलायन्स, आयडीएफसी असे सहा फंड मॅनेजर आहेत. यापैकी आपण कोणताही फंड मॅनेजर नेमू शकतो व तो बदलताही येतो. योजनेमध्ये गुंतवणूक करताना Tier I व Tier II मधील एका योजनेची निवड करावी लागते. Tier I मध्ये वयाच्या 60 वर्षांच्या आधी 20 टक्के रक्कम खाते बंद करताना काढता येते व बाकी रकमेचे "आयआरडीए'कडून (IRDA) निवृत्तिवेतन घ्यावे लागते. Tier II ध्ये कमीत कमी 40 टक्के रकमेचे निवृत्तिवेतन घ्यावे लागते. बाकी एकरकमी काढता येते. जर खातेदाराचा मृत्यू झाला, तर वारसदारास शंभर टक्के एकरकमी पैसे काढता येतात. यात परत Automatic व Active प्रकार आहेत. Automatic ध्ये जेवढे आपले वय जास्त, तितके कमी प्रमाण शेअर्समध्ये, तर Active ध्ये स्वतः शेअर्स व रोखे प्रकाराची निवड करता येते; पण कोणत्याही प्रकारात 50 टक्‍क्‍यांपेक्षा जास्त रक्कम शेअर्समध्ये गुंतवता येत नाही. त्यामुळे गुंतवणूक रक्कम सुरक्षित राहू शकते. वयाच्या 60 ते 70 यापैकी कोणत्याही टप्प्यावर आपण निवृत्तिवेतन चालू करू शकतो. हे निवृत्तिवेतन आपल्या एकूण उत्पन्नात गृहीत धरून त्यानुसार कर भरावा लागेल, असे सध्याचे चित्र आहे; पण सरकार या कराबद्दल विचार करीत आहे. जर करमुक्त योजना झाली, तर यासारखी उत्तम गुंतवणूक नाही.

काही ठळक नोंदी

1) पुण्यात आतापर्यंत 50 हून कमी नागरिकांनी या योजनेसाठी नोंदणी केली आहे.
2) जेवढे जास्त नागरिक यात सहभागी होतील, तेवढी ही योजना अजून "स्वस्त' होईल. त्यामुळे सर्वांनीच याचा जरूर विचार करावा.
3) या योजनेत सध्या फंड मॅनेजमेंट चार्जेस फक्त 0.0009 टक्के आहेत. त्यामुळे भविष्यात म्युच्युअल फंडांना चांगली स्पर्धा निर्माण होऊ शकेल.
4) सध्या कोणाला जास्त माहिती नसल्याने PRN फॉर्म बऱ्याच वेळेला परत येतात. तरी परत प्रयत्न करून जरूर PRN घ्यावा.
5) योजनेविषयी अधिक माहिती PFRDA च्या वेबसाइटवरून घेता येईल.